Comedor escolar CEIP A Maía

Continuamos cas actividades dirixidas a favorecer uns bos hábitos saudables de alimentación. No grupo de segundo de primaria fixeron un "Semáforo da Alimentación" co que puideron clasificar os alimentos segundo a inxesta recomendada. Para iso debuxaron no chan tres círculos de cores e utilizaron recortes cas imaxes da comida. Por outra banda, os máis pequechos e pequechas do comedor, elaboraron unha pirámide nutricional para ver,tamén, a variedade nos alimentos e a súa frecuencia.

Nos diferentes grupos do comedor da Maía estamos a traballar a alimentación saudable, a través do xogo e de diversas actividades. Por iso os nenos e nenas de sexto de infantil coñeceron o "Chef Solus" que lles ensinou variados alimentos e recetas. Por outra banda, os nenos e nenas de terceiro de primaria o pasaron xenial xogando a unha pasapalabra por equipos moi novidoso no que tiñan que adiviñar palabras relacionadas ca alimentación, combinado con xogos de carreiras para poder acadar a puntuación correspondente.

Arrancamos un novo curso cargados de ilusión por aprender cousas novas e, sobre todo, divertirnos ao máximo. Nestes primeiros días de adaptación, nos diferentes grupos, estamos levando a cabo asambleas para decidir entre todos e todas as normas de convivencia para manter ao longo do curso. Ademais, sempre queda tempo para xogar e desfrutar do bo tempo que estamos a ter!